- Tíðindi, mentan og ítróttur
HORRSE er ársins nýggja navn
HORRSE er ársins nýggja navn
FMA22: Ragnar Finsson, ið nú spælir tónleik undir listanavninum HORRSE, vann heiðurin sum "Ársins nýggja navn" á FMA í Norðurlandahúsinum
Ein glaður og skakkur Ragnar Finsson, ið fekk sína FMA-heiðursløn handaða í SMS av øllum støðum
Mynd: Eyðum Muller Thomsen
12.03.2022 - 20:25
2021 var árið, ið skilmarkaði eina nýggja byrjan fyri Ragnar Finsson. Tí tað var árið, tá hann kom út á tónleikapallin sum Horrse.
"Sjálvt um eg eri fólkatónleikari, vil eg ikki bara varðveita, men eisini skapa og byggja brýr,” segði 25 ára gamli Ragnar Finsson í sambandi við, at hann útgav EPina "Crossing".
Og nú hevur hann vunnið heiðurin sum ársins nýggja navn á Faroese Music Awards, sum verður fyriskipað í Norðurlandahúsinum, og sent beinleiðis í sjónvarpinum.
Í Belgia
Ragnar Finsson er sjálvur burturstaddur, tí hann er í Belgia á konsertferð við Raske Drenge og skrivar sangir.
Men Rólant Waag Dam legði seg upp á lúr, tá Ragnar Finsson var og lurtaði eftir unnustuni, hinum FMA-vertinum, Marionnu Winter Nagata, tá hon framførdi við Sway í SMS.
FMA22_YVIRRASKA_HORRSE
Marianna Winter Nagata, ið er vertur, er eisini unnusta hjá Ragnari Finsson, so hon tók FMA-virðislønina við heim. Segði nakar, at Føroyar eru eitt lítið land?
HORRSE var "Í luftini" í sjónvarpinum og framførdi.
"Crossing" kann hoyrast á Spotify.
"Crossing" hjá Horrse hevur eisini verið ummæld í "Kvørnini" hjá Kringvarpinum.
Er kopiera
Nýggjastu sendingar í ÚV
Nýggjastu sendingar í SV
