Semingsstovnurin komin upp í trætuna millum reiðarar og manningarfeløg

Semingsstovnurin er komin upp í sáttmálatrætuna millum Reiðarafelagið og tey trý manningarfeløgini.

Sáttmálin fer úr gildi á midnátt annaðkvøld.

Seinastu tiðina hava manningarfeløgini samráðst hvør sær við Reiðarafelagið, men einki er komið burturúr. 

Í dag høvdu manningarfeløgini og Reiðarafelagið aftur ein felags fund, og har boðaði Reiðarafelagið frá, at sum støðan var, fór felagið at senda boð eftir semingsstovninum.

Terje Sigurðsson, semingsmaður, sigur, at semingsstovnurin fer at hava fund við Reiðarafelagið í morgin, og fríggjadagin er ætlanin at hava fund við øll trý manningarfeløgini.

Fundur er avtalaður millum semingsstovnin og Skipara- og navigatørfelagið fyrrapartin fríggjadagin.