Ófriður í fleiri svenskum býum

Hósdagin byrjaði danin Rasmus Paludan at brenna koranir í Svøríki, og tað hevur elvt til ófrið í fleiri svenskum býum.

Í gjár avlýsti svenska løgreglan annars eitt ætlað mótmæli hjá Paludan í Landskrona, tí svensku myndugleikarnir vildu vera fyri uttan ófriðin, sum hevur verið í øðrum svenskum býum. 

Í Malmø byrjaði ófriðurin av álvara, tá ein bilur koyrdi inn í forðingarnar hjá løgregluni. Her varð bilførarin handtikin og skuldsettur fyri drápsroynd.

Sambært svenska kringvarpinum var løgreglan álopin við bensinbumbum, steinum og fýrverki í býarpartinum, Rosengård, í Malmø.