G7-londini stuðla Ukraina við 165 mia. kr.

Á fundi millum fíggjarmálaráðharrarnar í G7-londunum í gjár, samdust londini um at stuðla Ukraina við 165 milliardum kr., skrivar Reuters.

G7-londini eru sjey av londunum í heiminum, sum eru best fyri fíggjarliga. Tey eru: USA, Kanada, Italia, Frakland, Týskland, Bretland og Japan.

Semjan hevur við sær, at eisini onnur lond eru við til at játta tær 165 mia. kr., og hjálpin skal latast bæði nú kríggið er, og eisini eftir at kríggið hasar av.

Sambært Reuters siga fíggjarmálaráðharrarnir eisini, at londini eru sinnað at hækka upphæddina til Ukraina, um tørvur er á tí.