Løgtingið samtykt heimildarlógina um tiltøk móti Russlandi

Jenis av Rana, landsstýrismaður í uttanríkismálum, fær avmarkaðar heimildir at seta tiltøk í verk móti Russlandi.

Og skulu tiltøk setast í verk, sum raka eitt nú fiskiveiðisamstarvið við Russland, skal ein serstøk løgtingslóg samtykkjast um tað.

Tað hevur løgtingið samtykt seinnapartin.

Broytingaruppskotið frá samgonguflokkunum í uttanlandsnevndini var samtykt við 13 atkvøðum fyri og 11 ímóti, men tá lógin soleiðis broytt var sett undir atkvøðugreiðslu, atkvøddu øll 24 tingfólkini, sum vóru í tingsalinum, fyri.

Lógin skal hava eina viðgerð í tinginum aftrat.

Orðaskiftið við aðru viðgerð var stundum hvast.

Christian Andreasen, formaður í Fólkaflokkinum, segði,  andstøðan hevur misnýtt kríggið í Ukraina til egnan vinning:

Høgni Hoydal og Christian Andreasen

Hvast orðaskifti var millum Christian Andreasen og Høgna Hoydal í tinginum um revsitiltøkini móti Russlandi.