Gevst sum ítróttastjóri í AB

15.06.2022 - 08:54
ÍtrótturFótbóltur
Gevst sum ítróttastjóri í AB
Jonas Dal Andersen fer í starv hjá FC Midtjylland, men hann verður virkandi høvuðsvenjari á Argjum til summarsteðgin
Jonas Dal Andersen fer í starv hjá FC Midtjylland. Hann skal hava ábyrgd av samstarvinum við FC Ebedei í Nigera.
 

Jonas Dal Andersen gevst sum ítróttastjóri í AB.

Hann er settur í starv hjá danska fótbóltsfelagnum FC Midtjylland, har hann skal hava ábyrgd av samstarvinum við nigerianska FC Ebedei, sum er partur av ungdómsakademiinum hjá danska felagnum.

AB skrivar á heimasíðuni, at hann byrjar í starvinum 1. august.

Hann verður virkandi høvuðsvenjari á Argjum til summarsteðgin.

Jonas Dal Andersen tók við sum fyribils venjari, tí Sámal Erik Hentze segði seg úr starvi.

Í andglettin

AB og Jonas Dal Andersen komu í andglettin herfyri, tá ið tað kom fram, at útlendskir spælarar, sum komu til AB í vetur, rindaðu størstan partin av lønini beinleiðis aftur til AB.

45 ára gamli Jonas Dal Andersen hevur fyrr starvast hjá FC Midtjylland. Hann var í venjaratoyminum árini frá 2003 til 2013.

FC Ebedei í Nigeria hevur í fleiri ár vant spælarar, sum síðani eru farnir til FC Midtjylland at spæla.

AB arbeiðir nú við at seta nýggjan høvuðsvenjara til besta mansliðið.

Gongst sum ætlað, verður venjarin settur í hesari vikuni.

Er kopiera
Nýggjastu sendingar í ÚV
Týsdag 5. juli
Pápi mín og eg: Vanja og Victor
141841
Týsdag 5. juli
Summarmorgun 050722
141840
Týsdag 5. juli
Morgunlestur týsdagur 5. juli 2022
141653
Mánadag 4. juli
Summarmorgun 040722
141790
Nýggjastu sendingar í SV
Mánadag 4. juli
3-2
141831
Fríggjadag 1. juli
Jól í tónleikinum
141718
Mánadag 27. juni
Úr savninum: Urtagarðurin 10:10
141574
Mánadag 27. juni
3-2
141573