Starvsfólk fáa lut í lønarhækkingum í framtíðini

Fasti Gerðarættur hevur gjørt úrskurð í tulkingartrætu millum Starvsfelagið og Fíggjarmálaráðið um lønarviðurskiftini hjá fýra starvsfólkum, sum vóru flutt frá Ríkisumboðnum til Familjufyrisitingina.

Hetta hendi, tá ið málsøkið varð yvirtikið í 2018. 

Úrskurðurin merkir, at starvsfólkini kortini fáa lut í lønarhækkingum, sum vera í framtíðar sáttmálsemjum, skrivar Starvsfelagið í tíðindaskrivi. 

- Talan er um prinsippmál, sum hevur staðfest, at tað er rætturin og ikki arbeiðsgevarin, sum eigur seinasta orðið í ósemjum um lønarflokkingar, sigur Súni Selfoss, formaður í Starvsfelagnum:

Málið um yvirtiknu starvsfólkini í Familjufyrisitingini hevur verið í Fasta Gerðarrætti á tvær ferðir, hesaferð sum tulkingarmál. 

Fyrru ferð var í fjør, tá ið Fíggjarmálaráðið fekk viðhald í, at ósemjan um lønina hjá starvsfólkunum var ein træta, sum skuldi loysast í rættinum.

Úrskurðurin merkir, at starvsfólkini fáa somu lønhækking, og við afturvirkandi gildi:

Súni Selfoss