- Tíðindi, mentan og ítróttur
Assange kann útflýggjast USA
Assange kann útflýggjast USA
Hægstirættur í Bretlandi staðfesti avgerðina í mai, og nú hevur innanríkisráðharrin eisini gjørt av, at hann kann útflýggjast
Julian Assange hevur fingið tvær vikur at kæra avgerðina hjá bretska innanríkisráðharranum.
17.06.2022 - 11:04
WikiLeaks-stovnarin, Julian Assange, skal útflýggjast USA.
Tað hevur bretski innanríkisráðharrin, Priti Patel, tikið avgerð um í dag.
Avgerðin er tikin eftir, at hægstirættur í Bretlandi í farna mánaði staðfesti, at hann kann útflýggjast USA, eftir at hava fingið vissu fyri, at fongsulsumstøðurnar í USA eru nøktandi. Tí er útflýggjanin ikki eitt brot á hansara mannarættindi.
USA vil hava hann útflýggjaðan, so tað kann roynast í rættinum, at Assange hevur likið loynilig skjøl í 2010 og 2011.
Julian Assange hevur fingið tvær vikur til at kæra avgerðina hjá bretska innanríkismálaráðharranum.
Er kopiera
Nýggjastu sendingar í ÚV
Nýggjastu sendingar í SV
