Hava kannað plantuverjuevni í frukt og grønmeti

21.06.2022 - 08:42
AktueltSamfelag
Hava kannað plantuverjuevni í frukt og grønmeti
18 vørur vóru kannaðar, og allar nøgdir vóru undir markvirði
Samanumtikið vóru allar vørur í lagi og í samsvari við galdandi ES-reglur, sigur Heilsufrøðiliga starvsstovan.
Mynd: Savnsmynd  
 

Einki bendir á, at ov stórar mongdir av plantuverjuevnum, pesticidum, eru í grønmeti og frukt, sum fæst til keyps í Føroyum. 

Í sambandi við eitt átak hjá matvørudeildini hjá Heilsufrøðiligu starvsstovuni í fjør, vóru 18 vørur kannaðar fyri plantuverjuevni, níggju føroyskar og níggju útlendskt framleiddar vørur. 

Føroysku vørurnar komu frá seks ymiskum framleiðarum í Føroyum, og útlendsku vørurnar vóru keyptar í trimum ymiskum matvøruhandlum í Havn.

Allar vørur vóru kannaðar fyri 741 ymisk plantuverjuevni. 

Av teimum 18 kannaðu matvørunum vóru leivdir av plantuverjurevnum ávístar í fimm matvørum.  Allar nøgdir vóru tó undir markvirði. 

 

 

Einki í vistfrøðiligum vørum

Vørurnar við leivdum av plantuverjuevnum vóru útlendskar appilsinir, klementinir og eplir og eisini tvey sýni av føroyskum kálrabirótum.

Leivdir av plantuverjuevnum vóru ikki ávístar í vistfrøðiligum vørum. 

Samanumtikið vóru allar vørur í lagi og í samsvari við galdandi ES-reglur. 

Hetta er fyrstu ferð, at Heilsufrøðiliga starvsstovan hevur kannað frukt og grønmeti fyri leivdir av plantuverjuevnum.

Er kopiera
Nýggjastu sendingar í ÚV
Leygardag 13. august
Morgunlestur leygardagur 13. august 2022
143011
Fríggjadag 12. august
Morgunlestur fríggjadagur 12. august 2022
143010
Hósdag 11. august
RagnarRokk 11.august 2020
140693
Hósdag 11. august
RagnarRokk: Jon Courtney um Above Sirrus
140690
Nýggjastu sendingar í SV
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750