USA ræðir Russland við øktari hermegi í Evropa

USA fer nú at økja um hermegina í Evropa. Tað sigur amerikanski forsetin, Joe Biden, ið tekur lut á NATO-toppfundinum í Madrid í hesum døgum.

Tað hendir eftir hóttanir frá Russlandi eftir innrásina í Ukraina, sigur Biden, sambært Ritzau og AFP.

USA fer senda tvey herskip afturat til Spania og tvey F-35-stríðsflogfør afturat til Stóra Bretlands.

Harumframt fer amerikanski herurin at lata uppaftur eina høvuðsskrivstovu í Póllandi og senda fleiri hermenn til Rumenia.

Afturat hesum verður loftverjan eisini styrkt í Týsklandi og Italia.

Tað er umráðandi at økja um hermegina fyri at leggja dent á, at týdningurin hjá NATO er meira umráðandi enn nakrantíð, heldur Biden.

USA hevur økt talið á hermonnum í Evropa úr 80.000 upp í 100.000 síðani russisku innrásina í Ukraina 24. februar.