Ukraina: Kanna 21.000 mál sum krígsbrotsverk

Myndugleikarnir í Ukraina kanna í løtuni meira enn 21.000 mál, sum landið sigur vera krígsbrotsverk.

Tað sigur ríkisadvokaturin í Ukraina, Iryna Vene-dik-tova, sambært BBC, ið Ritzau endurgevur.

Hon sigur sambært BBC, at tað hvønn dag koma fráboðanir um 200 - 300 nýggj mál.

Brotsverkini eru sambært Venediktova trupul at granska, tí ringt er at koma til økini og fólkini.

Hon leggur áherðslu á, at russiskir hermenn, ið hava dripið, pínt ella neyðtikið fólk, skjótt verða drignir til svars.

Russland er ákært fyri eina røð av krígsbrotsverkum, síðani russisku innrásina í Ukraina 24. februar, men hevur higartil víst øllum ákærunum aftur.