Eriksen gjørt sáttmála við Manchester United

Danski fótbóltsspælarin, Christian Eriksen, hevur undirskrivað sáttmála við Manchester United.

Bretska felagið hevur í dag kunngjørt, at danski spælarin hevur undirskrivað ein trý ára sáttmála.

Tað skrivar United á heimasíðuni.

Sostatt náddi 30 ára gamli Eriksen bara at vera arbeiðsleysur í 14 dagar, eftir at sáttmálin við Brentford steðgaði 1. juli.

Seinastu vikurnar hevur framtíðin hjá Christian Eriksen verið stóra samrøðuevni hjá bretskum ítróttarmiðlum.

Manchester United hevur fleiri ferðir verið nevnt, eins og tað verið uppá tal, at hann skuldi fara aftur til Tottenham ella leingja við Brentford.

Eriksen skifti í februar til Brentford, eftir at sáttmálin hjá honum við italska felagið, Inter, steðgaði.

Christian Eriksen er tann sætti danskarin, ið sleppur at royna seg á besta liðnum hjá Manchester United.