Róðraróhapp eftirmett í kvøld

17.07.2022 - 16:30
ÍtrótturKappróður
Róðraróhapp eftirmett í kvøld
Róðrarsambandið og fyrireikararnir av vestanstevnuni fara í kvøld at eftirmeta hendingina, tá kappróðrarbáturin “Sjóherji” í gjár koppaði og manningin endaði á sjónum.
 

Talan var um eitt álvarsligt óhapp í gjár, sum gjørdi, at “Sjóherji” hjá róðrarfelagnum Tindi í Eysturkommunu koppaði.

Tað boðar Róðrarsambandið frá í tíðindaskrivi. 

Róðrarsambandið tekur støðuna í størsta álvara og tekur neyðug stig fyri at tryggja, at slíkt ikki endurtekur seg.

Óhappið hendi úti á startinum, áðrenn róðurin hjá seksmannaførum kvinnum masters skuldi skjótast í gongd. 

Bóru skjótt at
Fólk á staðnum bóru skjótt at eftir óhappið, og manningin á “Sjóherja” varð beinanvegin fingin upp úr sjónum og inn á land, har neyðug hjálp var klár. 

Eftir stuttari løtu fekk manningin eisini bjóðað kreppuhjálp frá serkønum, skrivar Róðrarsambandið. 

Hinar masters kvinnumanningarnar og formenn/-kvinnur í øllum róðrarfeløgum fingu somuleiðis SMS-boð við tilboði um kreppuhjálp á staðnum til tey, sum høvdu tørv á tí.

Róðrarsambandið harmast tó um, at almenn kunning ikki kom út so skjótt, sum óhappið hendi. 

Øll hava rós uppiborið
Øll á staðnum vóru upptikin av at hjálpa manningini á “Sjóherja” á besta hátt, og hetta varð raðfest fram um alt annað, stendur í tíðindaskrivinum. 

Róðrarsambandið harmast somuleiðis um, at bland kom í bátanøvnini í kunningini, har “Sjódrekin” hjá Skála Róðrarfelag av misgáum varð nevndur.

Eftir óhappið staðfestir Róðrarsambandið, at tilbúgvingin hjá Róðrarsambandinum, fyrireikarum og øðrum virkar til fulnar, og at øll, sum hava hjálpt til í støðuni, hava rós uppiborðið.

Er kopiera
Nýggjastu sendingar í ÚV
Mánadag 8. august
Morgunlestur mánadagur 8. august 2022
143006
Sunnudag 7. august
Guðstænasta úr Christianskirkjuni
143022
Sunnudag 7. august
Møti úr Kristnastovu í Keypmannahavn.
142929
Leygardag 6. august
Morgunlestur leygardagur 6. august 2022
142558
Nýggjastu sendingar í SV
Týsdag 2. august
Úr savninum: Urtagarðurin (4:8)
142876
Týsdag 2. august
Úr savninum: Urtagarðurin 5:8
142875
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750