- Tíðindi, mentan og ítróttur
Rullipylsa orsøk til sjúku og andlát
Rullipylsa orsøk til sjúku og andlát
Eitt fólk í Danmark er deytt, tí tað át rullipylsu, sum listeria var í. Tað vísir umfatandi kanningararbeiði hjá heilsumyndugleikunum
Rullupylsa frá Danish Crown, smittað við listeria, gjørdi átta fólk sjúk, og tók lívið ein einum persóni
Mynd: Ritzau / Scanpix
21.07.2022 - 09:18
Herfyri varð rullupylsa frá Danish Crown afturkallað, tí listeria var funnin í rullupylsuni.
Síðani á nýggjárinum, hevur mann í Danmark skrásett fleiri sjúklingar enn vanligt, sum vóru smittaðir við listeria.
Nú er endaliga staðfest, at átta fólk vóru smittað, tí tey ótu rullipylsu frá einari fyritøku hjá Danish Crown í Oldenburg i Týsklandi.
Eitt fólk í Danmark er deytt, tí tað át rullipylsu, sum listeria var í.
Tvey sløg av listeria
Eingin hevur fingið staðfest smittuna í Danmark seinasta mánaðin.
Í Danmark hava fólk fingið tvey sløg av listeriasmittu, og leitað verður enn eftir upprunanum til hina smittuna.
Eisini at fáa í Føroyum
Vanliga rullipylsa frá Danish Crown er eisini at fáa í Føroyum.
Heilsufrøðiliga starvsstovan hevur afturkallað 15 rullipylsusløg.
Á heimasíðuni hfs.fo sæst, hvørji tey eru.
Er kopiera
Nýggjastu sendingar í ÚV
Nýggjastu sendingar í SV
