Ikki neyðugt at hava útkikk á brúnni

Vesturbúgvin og Eysturbúgvin fiskaðu á leiðum, har lítil ferðsla var og langt til lands. Tí var ikki hildið vera neyðugt at hava útkikk á brúnni, meðan arbeitt var við trolinum á dekkinum.

Tað var heldur ikki vanligt at hava útkikk, tá siglt var á ella av fiskileið. 

Hetta kemur fram í frágreiðingini hjá donsku skaðanevndini, Den Maritime Havarikommission, um óhappið hjá teimum báðum trolarunum í vár.

Skiparin á Vesturbúgvanum var einsamallur á brúnni. Hann sovnaði, og Vesturbúgvin rendi á Eysturbúgvan, sum sakk.