Reka russisk flogfør úr donskum loftrúmi

Donsk jagaraflogfør hava í ár verið 51 ferðir á flogi og rikið russisk flogfør og skip úr donskum loftrúmi og sjóøki.

Hernaðarflogførini hava tí fingið meira at gera, enn tey hava havt, vísa tøl frá danska verjumálaráðnum.

Tað er kríggið í Ukraina og økta russiska virksemið við Eystrasalt, ið hevur fingið donsku F-16 flogførini munandi oftari á veingirnar samanborið við onnur ár.

Verjumálaráðharrarnir í Svøríki, Danmark og Noregi hittust í gjár í Malmø í Svøríki, har teir umrøddu hjáveruna av russisku hermegini í Eystrasalti.

Londini fara nú í felag at halda vakt og býta radaramyndir millum sín,  við tí í hyggju at steðga russiska áganginum.