- Tíðindi, mentan og ítróttur
ST krevur at sleppa inn á kjarnorkuverk í Ukraina
ST krevur at sleppa inn á kjarnorkuverk í Ukraina
Ukraina og Russland leggja hvørt annað undir at hava lopið á kjarmorkuverkið í Zaporizjzja
ST krevur nú at sleppa inn á kjarnorkuverkið í Zaporizjzja í Ukraina. (Mynd: Reuters)
12.08.2022 - 14:47
Ákærurnar fúka aftur og fram millum Ukraina og Russland, samstundis sum granatir regna niður yvir kjarnorkuverkið í Zaporizjzja í Ukraina.
Londini ákæra hvørt annað fyri at hava lopið á kjarnorkuverkið, sum er tað størsta í Evropa.
Spenta støðan fær nú kjarnorkustovnin hjá ST, IAEA, til at krevja atgongd til økið at gera eftirlit á verkinum.
Rafael Grossi, leiðari fyri IAEA, kom við hesi áheitan á einum fundi í ST-trygdarráðnum í gjár.
Rafael Grossi er leiðari í ST-kjarnorkustovninum, IAEA.
Støðan álvarslig
Har lýsti hann støðuna sum sera álvarsliga og kravdi, at kjarorkufyrisitingin fær atgongd skjótast gjørligt.
Somu boð komu frá ST-aðalskrivaranum, António Guterres, sum í eini fráboðan undan fundinum í ST-trygdarráðnum í gjár ávaraði um, at tað kann fáa vanlukkuligar avleiðingar, um álopini ikki verða steðgað, skrivar danska kringvarpið.
Er kopiera
Nýggjastu sendingar í ÚV
Nýggjastu sendingar í SV
