Metnógv fólk á Ovastevnu

Í fjør vóru okkurt um 6.000 fólk á Ovastevnu. 

Eftir ferðaætlanini skuldi Ternan sigla seinasta túr úr Nólsoy klokkan hálvgum seks í morgun, men tá var bygdin framvegis full av fólki, siga fyriskipararnir, og tí var neyðugt hjá Ternuni at sigla eykatúrar.

Sambært vakthavandi á politistøðini var støðan eitt sindur kaotisk á havnarlagnum í Nólsoy um fýra-tíðina í nátt. Har var ein øgilig trokan av fólki, sum vildu við Ternuni, tá ið hon silgdi úr Nólsoy klokkan fýra. 

Mett verður, at har vóru tríggjar ferðir so nógv fólk, sum vildu sleppa til Havnar um fýra-tíðina í nátt, enn Ternan megnar at taka.

Ann-Mari av Skarði er forkvinna í nevndini fyri Ovastevnuna, hon fegnast um góðu undirtøkuna og heldur ikki, at tey kundu havt gjørt nakað øðrvísi.

Hoyr samrøðu við Ann-Mari av Skarði í útvarpstíðindunum.