Farmaflúgvingin hjá Bakkafrosti byrjar í heyst

Eitt flogfar afturat er komið í føroyska flotan.

P/f FarCargo hevur undirskrivað keypssáttmála um at keypa eitt farmaflogfar av slagnum Boeing 757-200. 

Tað skal flyta laks til USA fyri Bakkafrost. 

Flogfarið er 47 metrar langt. Tað kann flúgva 7.000 km. í einum og tekur 35 tons av farmi. 

Vágar New York

Eftir ætlan fer flogfarið í flúgving í heyst, í oktober ella november, og fer í fyrsta umfari at flúgva úr Vágum til New York. 

Raksturin av farmaflutninginum hjá FarCargo verður skipaður í samstarvi við svenska felagið West Atlantic, sum fer at umsita flogloyvið. 

Birgir Nielsen

Birgir Nielsen er stjóri í FarCargo.

Ætlanin er, at FarCargo um fá ár tekur við øllum loyvum og flogumsiting.

Í fyrsta umfari verða tíggju fólk sett í fast starv hjá felagnum.  

Hoyr samrøðu, sum Jógvan Skeel Nolsøe gjørdi við Birgir Nielsen, stjóra í FarCargo, í útvarpstíðindunum: