FC Keypmannahavn kann møta Real Madrid, Liverpool og Inter Milan

Stórur spenningur er altíð um Champions League-luttakastið, og í ár er tað eyka spennandi fyri fólk í Keypmannahavn, ið halda við FC Keypmannahavn, sum eisini nógvir føroyingar gera.

Danska høvuðsstaðarfelagið hevur fyri fimtu ferð í søgu felagsins spælt seg í bólkaspælið í Champions League, sum er heimsins sterkasta fótbóltskapping. 

Luttøkan fer væntandi at tryggja FCK 200 milliónir krónur í felagskassan. 

Donsku meistararnir, FC Keypmannahavn, ið hava spælt seg í Champions League-bólkaspælið, kunnu í besta - ella ringasta - føri møta Real Madrid, Liverpool og Inter Milan.

FC Keypmannahavn, FC København, FCK

32 lið við í kappingini

32 feløg eru við í Champions League-lutakastinum. 

26 feløg hava vunnið seg beinleiðis í Champions League-bólkaspælið, meðan seks feløg hava vunnið seg í bólkaspælið umvegis playoff-dystir. 

FC Keypmannahavn, FC København, FCK

Fýra bollar

Feløgini verða koyrd í fýra bollar. 

Í bolla 1 eru Champions League-vinnarin frá í fjør, Europa League-vinnarin, meistararnir úr seks teimum sterkastu fótbóltstjóðunum í Evropa, sum ikki vunnu antin Champions League ella Europa League. 

Liðini í bolla 2 til 4 verða raðfest eftir styrki.

Lið úr sama landi kunnu ikki spæla móti hvørjum øðrum í bólkaspælinum. 

Soleiðis eru liðini bólkað