15.000 kr. í sekt fyri at sigla á Flesjarnar

Skiparin á línuskipinum Eivindi fekk 15.000 kr. í sekt fyri at sigla á Flesjarnar 2.august í fjør.

Hann tók av sektaruppskotinum, sum hann fekk frá ákæruvaldinum.

Hann var ákærdur fyri ikki at tryggja sær, at hildin var dygg vakt á brúnni, millum annað vóru øll tól og amboð á brúnni ikki brúkt til kaghaldið.

Elektroniska sjókortið ikki dagført

Hann var eisini ákærdur fyri ikki at hava lagt ferðina til rættis, áðrenn farið var úr Havn, og elektroniska sjókortið var ikki dagført.

Skiparin tryggjaði sær ikki, at siglt var samsvarandi góðum sjómansskapi, tí hann metti skeivt um frástøðuna til Flesjarnar.

Niðurstøðan í ákæruritinum er, at fullfíggjað meting um støðuna og vandan fyri at stranda var ikki gjørd.

Skiparin var ákærdur fyri brot á vaktarhaldskunngerðina og lógina um trygd á sjónum.

Sambært ákæruritinum var Eivind ikki var mannaður við minstu manning sambært manningarskjalinum.

Sjóvinnustýrið bað ákæruvaldið um at ákæra skiparan. 

Vesturbúgvin, trolari

Sjóvinnustýrið fer eisini at mæla ákæruvaldinum til at ákæra skiparan á trolaranum Vesturbúgvanum.

Skiparin á Vesturbúgvanum skal eisini ákærast

Sjóvinnustýrið fer eisini at mæla ákæruvaldinum til at ákæra skiparan á trolaranum Vesturbúgvanum fyri brot á millum annað vaktarhaldskunngerðina.

Vesturbúgvin sigldi á Eysturbúgvan, sum sakk.

Sjóvinnustýrið kannar eisini lutin hjá skiparanum á Eysturbúgvanum.

Sambært niðurstøðani hjá donsku skaðanevndini, Den Maritime Havarikommission, sum kannaði óhappið, varnaðist skiparin á Eysturbúgvanum ikki vandan, fyrr enn ov seint var.

Millum annað er útsýnið av brúnni ikki gott. Og skiparin var upptikin av trolinum.