Rættarnevndin viðger uppskot um at broyta fosturtøkulógina

Rættarnevndin viðger fyrrapartin uppskotið hjá Miðflokkinum um at broyta nýggju lógina um fosturtøku.

Fyrsta viðgerð var í tinginum hósdagin.

Orðaskiftið var langt, tað var yvir fýra tímar.

Miðflokkurin vil millum annað krevja, at kvinnan fær ráðgeving og umhugsanartíð, áðrenn hon tekur endaliga avgerð um fosturtøku.   

Eisini verður skotið upp, at kvinnur, sum søkja um at fáa fosturtøku, anonymt skulu upplýsa, hvør orsøkin er til, at tær søkja um fosturtøku.  

Í rættarnevndini sita Fróði Magnussen, Ben Arabo, Bill Justinussen, Hermann Samuelsen, Magni Højgaard, Hervør Pálsdóttir og Steffan Klein Poulsen.

Fróði Magussen er formaður.