Akstovan skal flyta í seinasta lagi um 16 mánaðir

Akstovan skal í seinasta lagi flyta úr Klaksvík og Runavík um 16 mánaðir, um ársskiftið 2023/2024.

Flytast skal í leigaðan bygning í landnyrðingspartinum av landinum.

Leigumálið kann vera í bygningi fyri seg ella vera í bygningi, har tað er sambæriligt við virksemið hjá Akstovuni.

Ætlaði bygningurin kann vera nýbygningur ella heilt ella lutvíst longu bygdur bygningur, sigur Uni Rasmussen landsstýrismaður.

Hann hevur svarað spurningi frá Beintu Løwe, løgtingskvinnu, um ætlanina at flyta Akstovuna úr Klaksvik.

Uni Rasmussen sigur, at nýggja hølið hjá Akstovuni skal vera á væl hóskandi stað millum sýnshallirnar í Klaksvík og í Runavík.