Liz Truss er nýggjur forsætisráðharri í Stórabretlandi

Tað verður ein kvinna, sum skal standa á odda fyri Stórabretlandi næstu árini. 

47 ára gamla Liz Truss vann stríðið um at gerast nýggjur formaður í Konservativa flokkinum á 42 ára gamla Rishi Sunak, og harvið verður hon eisini nýggjur forsætisráðharri. 

Millum 160.000 og 180.000 bretar eru limir í Konservativa flokkinum, og tað vóru teir, sum valdu nýggja formannin í flokkinum. 

Liz Truss

Og úrslitið gjørdist, at Liz Truss, ið er uttanríkismálaráðharri, fekk 81.326 atkvøður, meðan Rishi Sunak, ið er fyrrverandi fríggjarmálaráðharri, fekk 60.399 atkvøður. 

Liz Truss gjørdi vart við, at hon ætlar sær at føra lyftini, sum Konservativi flokkurin lovaði til seinasta val, út í lívið. 

Liz Truss

"Eg havi ført valstríð sum ein konservativur politikari, og eg ætli mær at leiða sum ein konservativur politkari," staðfesti Liz Truss í síni takkartalu. 

Upprunaliga vóru 11 um boðið at gerast forsætisráðharri, men tá ið avtornaði stóð kappingin ímillum Liz Truss og Rishi Sunak.

Liz Truss

Stór ósemja hevur verið í Konservativa flokkinum seinastu árini, og fyrsta uppgávan hjá nýggja formanninum verður at savna flokkin aftur, siga eygleiðarar.

Liz Truss er triði kvinnuligi forsætisráðharrin í Stórabretlandi. Tann fyrsta var Margaret Thatcher og onnur Theresa May.