Kann taka ímóti peningi úr Novo Nordisk-grunninum

Løgtingið hevur givið Kaj Leo Holm Johannesen, landsstýrismanni í heilsumálum, loyvi til at taka móti 121 milliónum krónum frá Novo Nordisk-grunninum.

Peningurin skal brúkast árini 2023 til og við 2032 til at fíggja rakstur og íløgur í samstarvinum um millum annað diabetes millum Novo Nordisk-grunnin og Heilsumálaráðið

Ætlanin er at byggja Steno-miðstøðina á Landssjúkrahúsinum. 

Uppskotið um tað var endaliga samtykt í gjár, tí frávik var givið frá øllum tíðarfreistum millum viðgerðirnar.

Ein atkvøða var ímóti. Hana eigur Beinta Løwe í Tjóðveldi.

Øll hini, sum vóru á tingfundi, atkvøddu fyri. 

Tey vóru 22, 23 og 24 tingfólk.