Erdogan heitt á Putin um at taka deildir úr Ukraina

Erdogan heitt á Putin um at taka deildir úr Ukraina
Turkiski forsetin hitti russiska starvsbróður sín í Usbekistan
Turkiski forsetin, Erdogan, hitti russiska forsetan, Putin, í Usbekistan.
Mynd: Ritzau Scanpix  
 
20.09.2022 - 14:21

Forsetin í Turkalandi, Recep Erdogan, hevur heitt á russiska forsetan um at taka sínar deildir aftur úr hersettu økjunum í Ukraina.

Í samrøðu við amerikonsku PBS-rásina sigur Erdogan, at friður var eitt av málunum, sum hann umrøddi við Vladimir Putin, tá ið teir hittust í Usbekistan.

PBS spurdi, um Russland eigur at varðveita økini, sum tað hevur hertikið í Ukraina, sum part av loysnini fyri at enda kríggið. 

Svarið er nei, sigur Erdogan.

- Fæst friður í lag í Ukraina, hevur hevur tað stóran týdning at lata øki aftur, sum eru hersett. Tað verður væntað. Putin hevur tikið ávís stig, og vit hava tikið ávís stig, sigur Erdogan, og leggur aftrat, at øki, sum eru hertikin, verða latin Ukraina aftur.

Erdogan sigur, at Russland heldur ikki eigur at varðveita Krim-hálvoynna, sum var hersett í 2014. 

Hann sigur við PBS, at hann hevur tosað við Putin um hetta síðani innrásina

- Vit hava biðið hann um at lata Krim aftur til røttu eigararnar, sigur Recep Erdogan, forseti í Turkalandi, við PBS.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585