Landsstýrið og løgtingið eru óviðkomandi í skattamáli hjá Samherja

Bæði landsstýrið og løgtingið eru at rokna sum óviðkomandi.

Tað er stutta svarið hjá Una Rasmussen, landsstýrismanni, til Høgna Hoydal, løgtingsmann.

Hann spurdi um skattamálið hjá íslendska felagnum Samherja og um avleiðingarnar av tí.

Høgni Hoydal sigur, at føroysk feløg og FAS-skipanin vóru brúkt til at sleppa undan 17 mió. kr. í skatti.

Men Uni Rasmussen svarar, at hann fær ikki svarað, tí skattalógin sigur, at bannað er skattavaldinum at siga óviðkomandi frá nøkrum av tí, sum tað fær at vita um inntøkur, ogn og vinnuviðurskifti.

Og bæði landsstýrið og løgtingið eru í hesum sambandi at rokna sum óviðkomandi.
 

Høgni Hoydal, kríggj í Ukraina, fundur um Russland

Høgni Hoydal hevur fingið stutt svar frá Una Rasmussen um skattamálið hjá Samherja. (Mynd: Bjarni Árting Rubeksen)