![](https://kringvarp.fo/sites/default/files/styles/myndasavn-width/public/sammodir_-6.jpg?itok=XbA8kRhf)
- Tíðindi, mentan og ítróttur
Kommunur í Suðuroynni kanna fyrimunir og vansar við samanlegging
Kommunur í Suðuroynni kanna fyrimunir og vansar við samanlegging
Allir sjey borgarstjórar í Suðuroynni fara at leggja uppskotið hjá Tvøroyar kommunu um at kanna fyrimunir og vansar við kommunusamanlegging fyri býráðið og bygdaráðini
![](https://kvf.fo/sites/default/files/styles/grein-ovasta-mynd/public/20190618_ferdslan_skal_ut_um_bygdina_0102.jpg?itok=u95mOZ2V)
Hvalbiar kommuna er ein av sjey kommunum í Suðuroynni, sum nú fara at kanna fyrimunir og vansar við kommunusamanleggin í oynni
Mynd: Savnsmynd
04.10.2022 - 07:36
Borgarstjórar og kommunuskrivarar høvdu fund fyri sløkum tveimum vikum síðani.
Har var semja um at kanna, um kommunurnar vilja vera við í arbeiðsbólki, sum skal kanna fyrimunir og vansar.
Og nú er greitt, at allir sjey borgarstjórar í Suðuroynni fara at leggja uppskotið hjá Tvøroyar kommunu um at kanna fyrimunir og vansar við kommunusamanlegging fyri býráðið og bygdaráðini.
Niðurstøðan kemur um eitt ár
Eitt umboð fyri hvørja kommunu skal vera í arbeiðsbólkinum.
Kristin Michelsen, borgarstjóri á Tvøroyri, mælti til at fíggja arbeiðsbólkin eftir sama býtislykli, sum galdandi fyri Bú- og heimatænastuna. Semja var um tað.
Arbeiðsbólkurin skal koma við niðurstøðu fyri nýggjársaftan næsta ár.
Nýggjastu sendingar í ÚV
Nýggjastu sendingar í SV