Rætt at samráðast við Russland, hóast innrásina í Ukraina

- Norska stjórnin er sannførd um, at tað er rætt at samráðast við Russland, hóast Russland hevur gjørt innrás í Ukraina. Hesaferð verða samráðingarnar tó talgildar.

Tað sigur Kristina Hansen, sum er vararáðharri hjá norska fiskimálaráðharranum, Bjørnar Skjæran.

Kristina Hansen er ættað úr Runavík, og hevur búð meira enn 34 ár í Noregi.

Fiskiveiðisamráðingar verða millum Noreg og Russland um eina viku. Noreg fordømir tó kríggið í Ukaina.

Hoyr innslag í útvarpstíðindunum: 

 
Bárður á Steig Nielsen, løgmaður, og norski forsætisráðharrin, Jonas Gahr Støre,  sita í løtuni á fundi í Oslo, har teir m.a. tosa um fiskiveiðiavtalur við Russland.