Teitur Skoubo fríkendur fyri valdstøku - dømdur fyri harðskap

Føroyska realitystjørnan, Teitur Skoubo, er nú aftur ein fríur maður. 

Eystari landsrættur hevur í dag fríkent Teit Skoubo fyri at hava framt valdstøku móti ungari kvinnu. 

Teitur Skoubo bleiv tó dømdur tríggjar mánaða fongsulsrevsing fyri at hava framt harðskap móti kvinnuni. 

Kravið um at rinda sakarkostnaðin verður strikað.

Prógv manglaðu

Sambært Ekstrablaðnum, heldur dómarin ikki, at ákæruvaldið í nóg stóran hevur mun prógvað, at Teitur Skoubo hevur havt kynsliga samveru við kvinnuna, eftir at hon hevði tikið aftur samtykkið.

Hinvegin sigur dómarin, at tað er prógvað, at kvinnan ikki hevði givið samtykki til, at hann sló hana, meðan tey høvdu kynsligt samband.

Tað merkir, at Teitur Skoubo er funnin sekur í harðskapi, men ikki fyri valdstøku, sum hann í mai mánaði var dømdur tvey ár og seks mánaðar fongsulsrevsing fyri í býarrættinum.

Fríur maður

Teitur Skoubo hevur longu hevur sitið í varðhaldi í tríggjar mánaðir, og tí er hann í dag latin leysur. 

Hetta merkir, at Teitur Skoubo er fríur maður í dag.