Vilja vita meira um avleiðingar av summartíð alt árið

Føroya arbeiðsgevarafelag saknar eina neyvari lýsing av avleiðingunum av uppskotinum hjá løgmanni um at hava somu tíð, hana, sum vit kalla summartíð, alt árið.

Felagið vísir á, at í viðmerkingunum um lógaruppskotið verður skrivað, at uppskotið ger, at tíðarmunurin millum Føroyar og okkara grannalond gerst minni.

So leingi tey halda fram við at hava summartíð, er hetta bara partvíst rætt, sigur Arbeiðsgevarafelagið.

Fyri summi grannalond, eitt nú Ísland, Bretland og Írland, gerst munurin størri ein part av árinum.

Fyri onnur lond gerst hann minni ein part av árinum, eitt nú fyri skandinavisku londini.