Hava lagt hald á 45,6 kilo av hassji í ár

Ongantíð áður hevur tolleftirlitið í Føroyum lagt hald á so nógv hassj sum í ár, upplýsir TAKS.

Talan er um 45,6 kilo. 

Næst størsta mongdin í eitt ár er 22 kilo, tað var í 2017.

Síðstu tíggju árini hevur miðaltalið verið átta kilo.

Tolleftirlitið hevur eisini lagt hald á onnur rúsevni sum kokain, amfetamin og MDMA, men mongdirnar eru smáar og nakað tær somu, sum tær hava verið.