Føroyanevndin verður føst nevnd hjá fólkatinginum

Føroyanevndin og grønlandsnevndin hjá fólkatinginum skulu nú vera fastar nevndir hjá fólkatinginum.

Nú eru tær settar eftir samtyktum í fólkatinginum í ávikavist 2006 og 2002.

Fólkatingið fer í dag at hava seinnu viðgerð um eitt uppskot til samtyktar um at strika hesar samtyktirnar og gera báðar nevndirnar til fastar nevndir hjá fólkatinginum sambært reglunum í tingskipanini.

29 fólkatingslimir eru í hvørjari nevnd.

Kemur í gildi 14. desember

Fólkatingssamtyktirnar frá 2006 og 2002 siga ikki, hvussu nevndirnar skulu virka. Nú koma reglur um tað, reglur, sum koma í tingskipanina.

Føroyanevndin skal viðgera sambandið millum Føroyar og Danmark, millum annað virksemið hjá ríkismyndugleikunum. 

Hon skal viðgera lógir um málsøki, sum ikki eru yvirtikin, og ES-mál, sum hava serligan týdning fyri Føroyar.

Ætlanin er, at lógin um føroyanevndina og grønlandsnevndina skal koma í gildi 14. desember í ár.