Javnaðarflokkurin hevur fund við Sambandið og Framsókn

Fyri løtu síðani fór Javnaðarflokkurin á fund við Sambandsflokkin og Framsókn um samgongumøguleikar.

Trý fólk umboða hvønn flokk. 

Frammanundan hevði Aksel V. Johannesen, sum hevur fingið litið upp í hendur at skipa landsstýri, ein stuttan fund við Høgna Hoydal, formann í Tjóðveldi.

Tjóðveldi vísti eisini á Aksel V. Johannesen sum samráðingarleiðara.

Høgni Hoydal segði einki eftir fundin, men vísti til samráðingarleiðaran.

Ruth Vang, forkvinna í Framsókn, hevur ikki avskrivað Tjóðveldi, men hon vil helst hava samgongu millum Javnaðarflokkin, Sambandsflokkin og Framsókn.

Aksel V. Johannesen hevur sagt, at hann miðar eftir at hava nýggja samgongu í seinasta lagi 22. desember, tá nývalda løgtingið hevur sín fyrsta fund.