BIIT gjørt hugtakandi heimildarfilm um noise-tónleik

Eitt myrkt kvøld mitt í mars høvdu fýra tónleikarar sett sær fyri at órógva okkara fatan av tónleiki og óljóði. 

Ein er tónleikalærari - ein annar kokkur.

Summir áskoðarir komu inn í Perluna hetta kvøldið av berum forvitni, meðan onnur komu fyri at dyrka órógvið, ið verður lýst sum bæði óhugnaligt, men eisini reinsandi. 

Í heimildarfilminum “Hatta niðurlagið kemur ikki”, sum ungdómstoymið hjá KVF, BIIT, hevur framleitt, fylgja vit hesum tónleikarunum á sjálvum tiltakinum, har vit síggja teir framføra, og hoyra teir greiða frá, hví teir vilja niðurbróta tær siðvenjurnar, ið vit vanliga knýta at tónleiki.

Fríði Djurhuus og Petur Sigurð í Króki hava gjørt "Hatta niðurlagið kemur ikki", og filmurin sæst her: