Heita á fólk í Klaksvík um at fara frá húsum

Eitt slag av undantaksstøðu valdar í støðum í Klaksvík, nú nógvi kavin og eftirfylgjandi áarføri hevur elvt til skriðulop. 

Talan er um evakuering vegna stór skriðulop fleiri støð í býnum og vandi er fyri fleiri lopum, bæði eystaru og vestaru megin í Klaksvík. 

Boðini frá átaksleiðaranum í Klaksvík eru greið. Øll húski, sum eru í ovastu húsunum, bæði eystaru- og vestarumegin í Klaksvík, eiga at fara úr húsum. 

Tvey skriðulop hava verið, og fleiri eru í væntu, sigur Bjarna Nattestad, vakthavandi á politistøðini. 

Støðan hevur verið rættiliga hættislig Undir brúnni, har Tórbjørn Hjelm býr. 

Skriðulop, Klaksvík

Tað var neyðugt hjá Tórbirni og pápanum at fara manninum, ið búði í grannahúsunum, til hjálpar og grava hann leysan. 

Skriðulop hava verið fleiri staðni í Klaksvík. 

Myndir: Oliver Joensen

Skriðulop, Klaksvík

Skriðulop hava verið ymsastaðni í Klaksvík. 

Skriðulop, Klaksvík

Heitt verður á fólk, ið búgva í húsum ovalaga bæði eystaru- og vestarumegin í Klaksvík um at fara frá húsunum. 

Skriðulop, Klaksvík

Eisini á Kunoyarnesi er skriða lopin. 

Skriðulop, Klaksvík

Í støðum er nærmast undantaksstøða, sum sæst á upptøkunum hjá Bergtóru Ó. Poulsen.