100.000 sjúkrarøktarfrøðingar í verkfall

Umleið 100.000 sjúkrarøktarfrøðingar í Bretlandi, Wales og Norðurírlandi fara fyri aðru ferð í 106 ára longu søgu felagsins í verkfall. 

Verkfall var eisini hósdagin.

Verkfallið í morgin er partur av alsamt beiskari stríðnum millum sjúkrarøktarfrøðingar og stjórnina um løn. 

Eftir lønarniðurskurð í fleiri ár, krevja sjúkrarøktarfrøðingarnir nú, at lønin hækkar meira enn prísvøksturin. 

4-5 prosent

Stjórnin svarar, at búskaparliga afturgongdin ger, at lønin kann ikki hækka meira enn 4 - 5 prosent.

Verkfallið í morgin rakar ikki Skotland.

Fleiri bólkar í almenna og privata geiranum fyrireika verkfall um jóltíðir, við kravi um betri løn og arbeiðsviðurskifti.

Prísvøksturin er í løtuni umleið 11 prosent um árið.

Mikudagin fara portørar í verkfall, og tað eru m.a. eisini tey, sum svara telefonum á neyðsentralinum, skrivar NTB.