Mannað russiskt rúmdarfar í trupulleikum

Mikudagin í farnu viku fór bremsi-væta at leka út í rúmdina úr russiska rúmdarhylkinum av slagnum Sojuz MS-22. Sjónvarpsmyndir frá NASA vísa hvítar bitlar, sum líkjast kavaflykrum, streyma út frá rúmdarhylkinum.

Russland kannar nú, um rúmdarfarið er trygt at brúka. Í løtuni eru sjey fólk umborð á rúmdarstøðini, men ISS hevur bara eitt bjargingarfar og har er bara pláss fyri fýra fólkum.

Sergej Krikaljov, leiðari fyri mannaðum rúmdarferðum á russiska rúmdarstovninum Roskosmos, sigur, at skaðin verður kannaður. Vísa greiningar, at hylkið ikki er egnað til mannaðar rúmdarferðir, fer Russland at skjóta út eina aðra Sojuz-rakett miðskeiðis í mars, og hon er ómannað, sigur Krikaljov. 

Rúmdarhylkið, sum hevur fingið skaða, fer so aftur til jørðina við ongari manning, skrivar NTB.