- Tíðindi, mentan og ítróttur
Nú verða partabrøvini hjá landinum í p/f Tjaldur seld
![](https://kvf.fo/sites/default/files/styles/grein-ovasta-mynd/public/img_0294.jpg?itok=DuMFvDpR)
Grannskoðaravirkið fekk boðini í telduposti seinnapartin tollaksmessudag, og arbeiðið at selja verður tikið uppaftur eftir jólahøgtíðina, sigur Hans Laksá í stuttari viðmerking við útvarpið.
Fíggjarmálaráðið bað í november grannskoðanarvirkið Januar bíða við at selja partabrøvini hjá landinum í partafelagnum Tjaldri, tí løgtingsval varð útskrivað. Fíggjarmálaráðið gav Januar boð um at steðga sølutilgongdini fyribils.
Freistin at bjóða var annars úti á midnátt 29. november, og ætlanin var at selja 9.desember.
Landið eigur 2,8 prosent í Tjaldri. Landið kann fáa nógv meira fyri síni partabrøv í Tjaldri enn tað hevur sett í fíggjarlógina, heldur Januar. Í fíggjarlógini eru sjey milliónir krónur, men Januar metir, at ognarparturin hjá landsstýrinum er verdur 18,2 til 23,1 mió.kr.