Noreg farið úr ST-trygdarráðnum

Innrásin er greitt brot á ST-sáttmálan, sum eisini Russland skal fylgja í Trygdarráðnum.

- ST er gott dømi um, at vit mugu hátta okkum til heimin, soleiðis sum hann er, og ikki soleiðis sum vit vildu ynskt at hann er. Men vit høvdu ikki skipað ST við sýtingarrætti, um vit høvdu skipað ST í dag, sigur norski uttanríkisráðharrin Anniken Huitfeldt í samrøðu við journalistar jólaaftan um tíðina hjá Noregi í "heimsins týdningarmesta høli", - salurin hjá trygdarráðnum í ST-høvuðsborgini í New York.

Sama morgun, sum samrøðan var gjørd, skeyt Russland fleiri rakettir móti ukrainskum býum og oyðilegði streym- og vatnveitingar. Enn eitt krígsbrotsverk uttan at ST setur tiltøk í verk móti Russlandi. Trygdarráðið hevur tosað um Ukraina fleiri ferðir. 

- Vit hava kent serliga ábyrgd fyri at seta spurningin um Ukraina á skránna, hóast vit ikki kunnu orða eina niðurstøðu, tí Russland hevur sýtingarrætt, sigur norski uttanríkisráðharrin Anniken Huitfeldt við NRK.