- Tíðindi, mentan og ítróttur
SEV fekk óvanliga nógva orku úr vatni í fjør
SEV fekk óvanliga nógva orku úr vatni í fjør
30,2 prosent av steyminum, sum SEV framleiddi úr varandi orkukeldum í fjør, kom frá vatni
Nógva avfallið í fjør sæst aftur í streymframleiðsluni hjá SEV úr varandi orkukeldum
Mynd: Bjarni Árting Rubeksen
19.01.2023 - 10:49
2022 var eitt óvanliga gott ár fyri vatnorku.
SEV framleiddi 130,9 GWt úr vatni í 2022.
Tað er 30,2 prosent av streyminum, ið var framleiddur úr varandi orkukeldum í fjør.
Næstan tvífalt sum nógv avfall
2022 er besta árið fyri vatnorku síðani metárið 2015, sigur SEV.
Avfallsmátarin á Fitjunum í Vestmanna máldi 2573 mm fyri árið 2022.
Til samanberingar kom avfallið upp á góðar 1904 mm í 2021.
2680 mm í 2015
Í 2015 regnaði enn meira. Avfallið var tá góðar 2680 mm.
Sermerkt fyri 2022 var, at nógva regnið kom í juli og august.
Vantverkini gjørdu tríggjar ferðir meiri streym enn í miðal í juli og august.
90GWt úr vindi
Vindur gav eisini nógvan streym í fjør.
90 GWt av streyminum, sum SEV seldi í fjør, kom frá vindorku.
Myllurnar hjá Vindrøkt, sum fóru at mala í juli, góvu sjey prosent av streyminum, sum SEV seldi í fjør.
Varandi orkan í 2022 var býtt soleiðis:
130,9 GWt (30,2%) úr vatni
90 GWt (20,7%) úr vindi
5,4 GWt (1,3%) úr biogassi
0,171 GWt úr sólorku.
SEV og dótturfeløgini stóðu fyri 90,8 prosent av samlaðu framleiðsluni, meðan Vindrøkt/Røkt stóðu fyri 7,9 prosentum.
Biogassverkið Førka framleiddi 1,3 prosent av samlaðu elorkuni.
Í tilsamans 50 samdøgur var orkuframleiðslan í meginøkinum yvir 80 prosent grøn.
56 samdøgur í fjør høvdu suðringar 100% grøna orku í kontaktini.
Er kopiera
Nýggjastu sendingar í ÚV
Nýggjastu sendingar í SV
