Venjingardystur ímóti Norðurmakedónia

Føroyska fótbóltslandsliðið skal spæla venjingardyst ímóti Norðurmakedónia seint í mars.

Føroyar byrja landsliðsárið við EM-undankappingardysti ímóti Moldova 24. mars, og tríggjar dagar seinni bíðar Norðurmakedónia á Todor Proeski National Stadion í Skopje.

Hetta verður fyrstu ferð at hesi bæði londini spæla ímóti hvørjum øðrum, og Norðurmakedónia verður 48. mótstøðulið av teimum 55, sum er limir í evropeisku fótbóltssamgonguni, UEFA.

Dystaskráin 2023
24. mars Moldova – Føroyar
27. mars Norðurmakedónia – Føroyar (venjingardystur)
17. juni Føroyar – Kekkia
20. juni Føroyar – Albania
7. sept. Pólland – Føroyar
10. sept. Føroyar – Moldova
12. okt. Føroyar – Pólland
15. okt. Kekkia – Føroyar
20. nov. Albania – Føroyar