Innirøðarar vunnu nógv

21.01.2023 - 18:26
ÍtrótturKappróður
Innirøðarar vunnu nógv
Føroysku røðararnir, sum í dag hava kappast í danska býnum Gladsaxe um donsku meistaraheitini í inniróðri, vunnu tilsamans 19 heiðursmerki.
 

Føroyingarnir mannaðu 30 kappingarsetur og teir yngru røðararnir vunnu 13 og teir eldru seks heiðursmerki.

Sarita Kristina Hansen var danskur meistari á bæði 500 og 2000 metra teinunum í lættvekt í 30+ Masters.

Zoe Dickson, Vár Guriardóttir og Sára Maria Johansen, sum rógva við donskum feløgum, vunnu hvør sítt danska meistaraheiti – Vár í 200 metra sprint, Zoe í 500 metra stafett og Sára Maria í 1000 metra stafett.

Armgarð Sigurdsdóttir vann danska meistaraheitið hjá U15-gentum við at rógva 1039 metrar upp á fýra minuttir og eisini vann hon DM á 200 metra teininum í sprint.

Og Sólrun Lützen vann danska meistaraheitið hjá U14-gentum við at rógva 777 metrar eftir trimum minuttum.
 
Næsta vikuskiftið fara vaksnu røðararnir á landsliðnum til París at kappast um europameistaraheiti í inniróðri.

Er kopiera
Nýggjastu sendingar í ÚV
Nýggjastu sendingar í SV
Sunnudag 5. februar
Andakt við Niels Paula Nónstein
151993
Sunnudag 5. februar
Møti umborð á Bakkafossi
151995
Leygardag 4. februar
Ítróttafagnaðurin 2022
151988
Hósdag 2. februar
Foytar greyðir (2:3)
151840
Týsdag 31. januar
Jørðin II: Oyggjar (1:6)
119181