- Tíðindi, mentan og ítróttur
Skeivt at skráseta fólk, sum hava samband við politikarar
Skeivt at skráseta fólk, sum hava samband við politikarar
Høgni Hoydal, landsstýrismaður, hevur stig tikið til fund við peningastovnarnar um skráseting av privatum viðurskiftum
Høgni Hoydal, landsstýrismaður, fer at hava fund við peningastovnarnar um krøvini, sum teir seta fólki í sambandi við hvítvasking av peningi.
Mynd: Bjarni Árting Rubeksen
23.01.2023 - 18:00
Tað er als ikki í lagi, at peningastovnarnir skulu skráseta øll møgulig fólk, sum onkursvegna hava samband, ella eru í familju við politikarar, í sambandi við hvítvasking av peningi.
Tað heldur Høgni Hoydal, landsstýrismaður í uttanríkis- og vinnumálum.
Hann hevur tikið stig til ein fund við peningastovnarnar, har hann fer at taka málið upp, sum Rúna Sivertsen vísti á í útvarpstíðindunum leygarkvøldið.
Rúna Sivertsen er næstforkvinna í Sjálvstýri.
Hon hevur fingið boð frá peningastovni sínum um at lata upplýsingar og fáa skrásett so at siga alla familjuna hjá sær í sambandi við hvítvasking. Rúna Sivertsen er næstforkvinna í Sjálvstýri, sum í løtuni ikki hevur umboð í løgtinginum:
23012023_Runa_Sivertsen
Høgni Hoydal er samdur við Rúnu Sivertsen, um at hetta er at fara alt ov víða hjá peningastovnunum eftir persónligum upplýsingum:
23012023_Hogni_Hoydal
Er kopiera
Nýggjastu sendingar í ÚV
Nýggjastu sendingar í SV
