Havnarlagið á Sandi ruddast

Sands kommuna troyttast nú av ymiskum óruddi á havnarøkinum á Sandi, og tí verður heitt á borgarar og fyritøkur, sum hava lutir ella órudd á havnaøkinum um at beina hetta burtur av økinum.

Tað skal gerast skjótast gjørligt og í seinast lagi tann 1. mars.

Kommunan nevnir til dømis bingjur á økinum, sum eru sjónliga í ringum standi og skemma.

Bingjur, sum standa á havnaøkinum og ikki hava loyvi frá Sands kommunu, skulu fáa loyvi upp á pláss, ella verða tær beindar av økinum.

Sands kommuna sigur, at verða lutir ella órudd ikki ruddað burtur innan 1. mars, verður tað burturbeint uttan aðra ávaring og fyri eigarans rokning og ábyrgd.