Partaeigararnir skulu fáa 70 prosent í vinningsbýti

Partaeigararnir skulu fáa 70 prosent í vinningsbýti
Nevndin í BankNordik mælir til, at vinningsbýtið til partaeigarar bankans skal økjast, úr 50 prosentum upp í 70 prosent av yvirskotinum
Roknskapurin hjá BankNordik fyri 2022 verður lagdur fram 24. februar.
 
30.01.2023 - 13:00

Partaeigararnir í BankNordik skulu hava meira burtur úr sínum partabrøvum í bankanum.

Nevndin í BankNordik mælir til, at vinningsbýtið til partaeigarar bankans skal økjast, úr 50 prosentum upp í 70 prosent av yvirskotinum.

Fráboðanin var send keypsskálanum fyri vikuskiftið. Og hon kemur at kalla samstundis sum renturnar, ið fólk skulu gjalda fyri síni bústaðarlán, aftur hækka. Hetta er fjórðu ferð í fimm mánaðir, at stóru peningastovnarnir hækka renturnar, sum fólk skulu gjalda fyri síni bústaðarlán.

Árligi kostnaðurin í prosentum - tað sonevnda ÁKP - fyri bíligastu, vanligu bústaðarlánini frá peningastovnunum verður nú 4,74 prosent. So høg hevur lægsta bústaðarrentan ikki verið í umleið 10 ár.

Birita Sandberg Samuelsen er nevndarforkvinna í BankNordik. Hon grundgevur soleiðis fyri, hví vinningsbýtið til partaeigarar bankans skal økjast, úr 50 prosentum upp í 70 prosent av yvirskotinum:

 

0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 

 

Birita Sandberg Samuelsen er nevndarforkvinna í BankNordik.

 

Í morgin hækka útlánsrenturnar hjá BankNordik - eitt nú til bústaðarlán - fyri fjórðu ferð síðstu fimm mánaðirnar. Og harumframt eru ómaksgjøldini eisini hækkað.

Hví ikki taka færri pengar inn frá kundunum, heldur enn at lata størri vinningsbýti út til eigararnar. Birita Sandberg Samuelsen, svarar soleiðis:

 

0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 

 

BankNordik boðaði um dagarnar keypsskálanum frá, at úrslitið fyri 2022 væntandi verður 160-170 milliónir í yvirskoti.

Birita Sandberg Samuelsen, nevndarforkvinna, vil ikki siga, um nevndin mælir til, at 70 prosent av avlopinum fyri árið í fjør skal út sum vinningsbýti til eigararnar.

Tað verður kunngjørt, tá roknskapurin verður lagdur fram 24. februar, sigur hon. 
 

Er kopiera
Nýggjastu sendingar í ÚV
Leygardag 31. mai
Jambalaja - takk fyri hesaferð
192669
Leygardag 31. mai
Vikan 31. mai 2025
192633
Leygardag 31. mai
Morgunlestur leygardagur 31.mai 2025
192277
Nýggjastu sendingar í SV
Leygardag 31. mai
Norðoyastevna 2025: 10 MANNAFØR
192646
Leygardag 31. mai
Norðoyastevna 2025: 5 MF KVINNUR
192643
Leygardag 31. mai
Norðoyastevna 2025: 6 MF MENN
192644