- Tíðindi, mentan og ítróttur
Danski samhandilin við Russland minkaður niður í helvt
Danski samhandilin við Russland minkaður niður í helvt
Í 2022 seldi Danmark fyri 7,3 milliardir krónur til Russlands. Talið var 15,2 milliardir í 2021.
Lars Løkke Rasmussen, uttanríkisráðharri, hevur svarað fyrispurningi frá Sjúrði Skaale, fólkatingsmanni, um danska samhandilin við Russland.
Mynd: Ritzau Scanpix
20.02.2023 - 08:56
Danmark selur framvegis Russlandi vørur og tænastur og keypir eisini vørur og tænastur haðani.
Men bæði útflutningur og innflutningur eru minkaðir niður í eina helvt.
Í 2022 seldi Danmark fyri 7,3 milliardir krónur til Russlands.
Talið var 15,2 milliardir í 2021.
Sjúrður Skaale, fólkatingsmaður, hevur fingið svar frá Lars Løkke Rasmussen, uttanríkisráðharra. (Mynd: Bjarni Árting Rubeksen)
Løkke svarar Sjúrði
Danmark keypti fyri 9,4 milliardir úr Russlandi í 2022. Tað talið var 18,2 milliardir í 2021.
Hetta upplýsir Lars Løkke Rasmussen, uttanríkisráðharri, í svari til Sjúrð Skaale, fólkatingsmann.
Í 2022 fóru 0,4 prosent av danska útflutninginum til Russlands, men í 2021 var talan um eitt prosent.
Danmark keypir jarn, stál, steinolju og fóðurevni, tó ikki ómalið korn, úr Russlandi.
Er kopiera
Nýggjastu sendingar í ÚV
Nýggjastu sendingar í SV
