- Tíðindi, mentan og ítróttur
BankNordik: 6.000 føroyingar fáa 150 milliónir í vinningsbýti
![](https://kvf.fo/sites/default/files/styles/grein-ovasta-mynd/public/bank_nordik_skyming-7.jpg?itok=F_lognvn)
6.000 føroyingar, sum saman við landinum eiga í alt 60 prosent í BankNordik, kunnu í næstum vænta at fáa tilsamans 150 milliónir krónur í vinningsbýti.
Harav fær landið, sum eigur ein triðing, 83 milliónir krónur.
Tað er greitt, nú BankNordik hevur kunngjørt ársroknskapin.
Á aðalfundinum 31. mars verður skotið upp at gjalda partaeigarum tilsamans 250 milliónir krónur í vinningsbýti. Tað svarar til góðar 26 krónur fyri hvørt partabrævið.
Avlopið hjá BankNordik var í fjør 164 milliónir krónur.
Tað eru góðar 100 milliónir minni enn árið fyri, men fyrraárið stavaðu 83 milliónir frá sølu av danska virkseminum.
Niðurskrivingar á útlánum, sum vóru afturførdar, vóru minni í fjør enn fyrraárið. 47 mió. kr. samanborið við 77 mió. kr. í 2021.