![](https://www.uf.fo/sites/default/files/styles/myndasavn-width/public/landstyrid_2022-23-6.jpg?itok=I1bBrXpY)
- Tíðindi, mentan og ítróttur
Kunnu fiska umleið hálva millión tons av svartkjafti í ár
![](https://kvf.fo/sites/default/files/styles/grein-ovasta-mynd/public/fullsizeoutput_1b7a.jpeg?itok=HpLlnHd4)
Dennis Holm, landsstýrismaður í fiskivinnumálum, hevur eftir ráðførslu við Uttanlandsnevnd Løgtingsins tikið avgerð um at áseta føroysku kvoturnar av svartkjafti og norðhavssild fyri 2023 eftir sama leisti sum undanfarin ár.
Tað upplýsir Fiskivinnu- og samferðslurmálaráðið í dag.
Dennis Holm, landsstýrismaður í fiskivinnumálum. (Mynd: Bjarni Árting Rubeksen)
Føroyska svartkjaftakvotan í ár verður 483.042 tons samsvarandi 38,6 prosentum av strandarlandakvotuni upp á 1.251.403 tons, sum strandarlondini samdust um á árliga fundinum um svartkjaft í London 14. oktober í fjør.
Kvotan av norðhavssild verður 112.713 tons, sum eru 22,05 prosent av mest loyvdu veiðu upp á 511.171 tons, sum strandarlondini samdust um á árliga fundinum um norðhavssild í fjør.