Á Breddanum: Frí fosturtøka í Føroyum

Skulu vit hava fría fosturtøku í Føroyum?

Í dag er altjóða kvinnudagur, og í hesum sambandi seta vit sjóneykuna á fosturtøkulóggávuna frá 1956. 

Undan løgtingsvalinum tóktiskt undirtøka vera fyri, at lógin skal dagførast, men enn er eingin tøkilig ætlan um hetta.  

Vit hitta m.a. aðalskrivaran í Amnesty International Føroyar, Turið Mariu Johansdóttir, og Dianu Reynstind, serlækna í kvinnusjúkum.

Eisini verður politiskt kjak seinast í sendingini. Tey, sum fara at skifta orð um málið, eru Sólvit Nolsø í Framsókn, Hervør Pálsdóttir í Tjóðveldi, Steffan Klein Poulsen í Miðflokkinum og Elsebeth Mercedis Gunnleygsdóttur í Fólkaflokkinum.

Breddin í útvarpinum klokkan 10.